Pummigsa pay iti Bagyong Nando ken adda itan iti Severe Tropical Storm Category. Maudi a nasaripatpatan daitoy ti kaadayu a 800 km Daya ti Casiguran, Aurora, kabuyog ti kapigsa ti angin a 100 km/h asideg ti sentro ken kapegges a dumanon ti 125 km/h. Dupdupagen na iti Amianan-a-laud a direksyon ti kapartak a 10 km/h.
Gapo iti Trough wenno tartaraipos ti Bagyong Nando ket makapadas ti nalulem a tangatang, mawaras-waras a panagtudo, ken panaggurruod dagiti lugar ti Cagayan Valley, Bicol Region, Eastern Visayas, Aurora, ken Quezon.
Agtaltalinaed met latta iti Southwest Monsoon wenno Habagat a mangipaay iti kapada a paniempo kadagiti lugar ti Metro Manila, MIMAROPA, Pangasinan, nabatbati a paset ti Central Luzon ken CALABARZON bayat a mangpalulem ti tangatang ken mangpaarbis met daitoy para ti nabatbati a paset ti Luzon ken Visayas. Dagiti metten Localized Thunderstorms ti mangapektar idiay Mindanao.
Kabayatanna, iti Tropical Depression Mitag wenno sigud a Bagyong Mirasol ket nasaripatpatan ti kaadayu a 825km Laud Amianan-a-laud ti Extreme Northern Luzon a nabuntog nga agturturong iti agpa-Laud Abagatan-a-laud a direksyon. Addaan daitoy ti kapisa ti angin a 55km/h asideg ti sentro ken kapegges a dumanon ti 90km/h.
