Dimmanonen ti sangapulo a tattao ti natay iti agtultuloy nga wildfire idiay Los Angeles, California, USA.
Daytoy ti nangiturong kadagiti autoridad a mangpakdaar a mabalin nga ad-adu pay ti bilang dagiti natay bayat nga agtultuloy ti panagsusupiat dagiti responder iti dadduma a lugar a nakaro a natamaan.
Naaramid ti kasta a pakdaar iti isu met laeng a tiempo a rinugian dagiti bombero ti nagsukimat kadagiti lugar a nakairekord kadagiti dadakkel nga wildfire, kaaduanna ti Palisades Fire a nangapektar iti lugar ti Pacific Palisades idiay Los Angeles ken ti Eaton fire a nangapektar idiay Pasadena.
Kas resultana, nasurok a 10,000 nga estruktura ti nadadael.
Maibilang itan ti uram iti Palisades a kadakkelan nga wildfire a nairekord iti intero a pakasaritaan ti Los Angeles, California.
Ti wildfire a mapaspasamak idiay LA ita ket mapapati a gapo iti Santa Ana Winds nga extreme ken dry winds a gagangay bayat ti nalamiis a paniempo wenno bulan ti lam-ek.
Panangilawlawag dagiti eksperto, ti angin tunggal panaglam-ek ket namaga agsipud ta saan a naggapo daitoy kadagiti pannakabagi ti danum, isu ket maaw-awagan daitoy kas offshore winds.
