Umas-asidegen ti panagleppas ti WWE Superstar career ni John Cena.
Daitoy iti inanunsyo iti 16-time WWE Champion ken maysa kadagiti kalatakan a wrestling star iti pakaistoryaan.
Iti sopresa a panagparang na idiay Scotiabank Arena kabayatan iti Money in the Bank event, impakita ni John Cena iti signature towel na a nakasurat iti “The last time is now” maipanggep iti anunsyo na.
Ditoy na metten nga imbaga iti panagretiro na iti WWE a dagos a niladingitan ti amin nga agbuybuya saan laeng dagiti adda idiay arena.
Inlawlawag met ti WWE superstar a makipaset pay isuna iti Royal Rumble 2025 ken Elimination Chamber 2025.
Maudi nga agay-ayam ni John Cena iti uneg ti ring iti programa nga WrestleMania 41 a maangay inton Abril 19-20, 2025 idiay Las Vegas.
Nagyaman iti wrestler kadagiti amin a nangsuporta iti career na.
Kabayatanna, saan pay a sigurado nu makipaset ni Cena iti men’s Royal Rumble match.
Ni John Cena iti nagpasikat iti catchphrase nga “you can’t see me.”
