BR LA UNION – Inyanunsiyo ni Executive Secretary Ralph Recto a nakatuding a sumangpet ditoy pagilian ti 1.04 a milion a bariles ti diesel.
Segun kenni Recto, indauluan ni Energy Secretary Sharon Garin ti panangimaton tapno masigurado a magun-od ti gobierno dagiti nadakamat a dadakkel a bariles ti diesel.
Mainayon pay, makaawat ti Pilipinas iti steady supply ti coal wenno karbon manipud Indonesia.
Maipalagip nga immuna a kinumpirma ni Presidente Ferdinand Marcos Jr. a manteneren ti Pilipinas ti umdas a suplay ti krudo nga agpaut agingga iti Hunyo 30 agdama a tawen wenno 45 nga aldaw. .
Maipalagip pay a nasurok 700,000 a bariles ti krudo ti Russia ti simmangpet ditoy pagilian idi Marso 23, nga inorder ti Petron.
