LA UNION – Target ti Presidential Anti-Organized Crime Commission a kalyen ken sapolen ti bangkay dagiti 12 a gangannaet a maipagarop a naitanem iti compound ti Lucky South 99.
Iti nasao a mass grave ket immunan nga imbaga dagiti sumagmamano a testigo, segun kenni PAOCC Spokesperson Winston Casio.
Maibasar iti inisyal nga imbestigasyon ti komisyon, dagiti gangannaet a naikali iti nasao a compound ket sigud nga agtrab-trabaho iti nasao a POGO hub.
Duktalen ti komisyon nu anya ti pudno a napasamak kasaruno ti pannakatay dagitoy ken pannakai-kali da ti mismo nga uneg ti compound.
Segun pay kenni Casio, naki-koordinaren ti komisyon iti Philippine National Police para iti posible a record seknan kadagiti gangannaet a pinatay iti uneg ti compound.
Immunan a nag-apply ti search warrant iti komisyon manipud korte tapno maaddaan ti legal a basaran ti panagkali iti nasao a compound, kasaruno iti nagbalin a testimonya dagiti rimuar a testigo .
