LA UNION – Natay iti maysa a barito kalpasan a makuryente idiay Barangay Turod, Sudipen, La Union agarop alas 4:00 idi malem kalman, Abril 24.
Nabigbig iti biktima a ni Joemar Baranda y Lodia, 13-anyos, residente ti nasao a lugar.
Maibasar iti report manipud Sudipen Police Station, sakbay iti insidente, iti biktima kadwa dagiti gagayyem na ket napan nagdidigos iti irrigation canal partikular iti batog ti Barangay Health Center.
Maipagarop nga immuli ti biktima iti nasao nga establisimento tapno mapan agpuros iti bunga ti mangga, ngem dita metten a nakuryente.
Naiturong ti biktima idiay Tagudin General Hospital and Capillariasis Center, a nakabase idiay Brgy. Bio, Tagudin Ilocos Sur ngem indeklara a dead-on-arrival ti attending physician a ni Dr. Jayrome Agub.
