BR LA UNION – Nakasangpeten ditoy pagilian dagiti 17 a tripulante ti M/V Galaxy Leader kalpasan a rinuk-atan dagiti Houthi rebels idiay Yemen.
Limmapag iti Oman Air flight 843 idiay Ninoy Aquino Internaitonal Airport Terminal 1 idiay Pasay City agarop alas 9:31 idi rabii, Enero 23, a nagluganan dagiti 17 Pinoy seafarers.
Sinabat ni Department of Migrant Workers (DMW) Secretary Hans Leo Cacdac, Department of Foreign Affairs Secretary (DFA) Enrique Manalo, Transporation Secretary Jaime Bautista ken dadduma pay nga opisyal ti gobyerno.
Dagiti nasao a tripulante ket crew ti M/V Galaxy Leader a kinawtibo dagiti Houthi rebels idiay Red Sea idi Nobyembre 2023.
Kalpasan a naruk-atan da idi napalabas nga aldaw ket dagus nga immandar ni Presidente Ferdinand Marcos ti panagawid dagitoy.
