Inaprobaran ti US Senate ti singasing gakat a panangitukon ti $2.5B a gatad ti security assistance para ditoy Pilipinas a maawagan kas Philippines Enhanced Resilience Act (PERA Act).
Napartuat babaen ti panangiendorso da Senators Bill Hagerty ken Tim Kaine, daitoy a $500M a tulong pangseguridad ket maitukon para ti Foreign Military Financing (FMF) grant assistance manipud 2026 agingga 2030, wenno pakabuklan a $2.5B ti las-ud ti lima a tawen.
Panggep na a mapauneg pay ti defense cooperation ti Estados Unidos ken ti Pilipinas ken mapapigsa ti defense capabilities ken interoperability ti alyansa ti dua a pagilian tapno malabanan ti dumakdakkel a karit ti Indo-Pacific Region.
Inwaragawag met ni Philippine Ambassador to Washington a ni Jose Manuel Romualdez a daitoyen ti kadakkelan a defense assistance package ti Estados Unidos para ti pagilian.
Pagaammo ti Estados Unidos kas kapautan a kaalyado ti Republika kasta met a manamnaman a maipatulod iti opisina ni US President Donald Trump ti gakat para iti panagperma na a kas linteg.
