LA UNION – Isag-saganan ti US Defense Department iti nasurok $567 million a security aid para iti Taiwan.
Maibasar iti inruar a report ti Pentagon, naaprubaran ti nasao a kantidad ken maur-uray laengen ti pirma ni US Pres. Joe Biden.
Nakapauneg iti nasurok kagudwa a bilyon a security package iti military drones, anti-armor weapons, military stockpiles, air defense,“multi-domain awareness” ken training para iti panangusar kadagitoy.
Ti nasao a military deal ket malaksid laeng iti $228 million aircraft spare parts nga inyanunsyo ti Pentagon ita a lawas.
Idi bulan ti Abril, inaprubaran ti US Congress iti $1.9 billion nga arms stock kadagiti pagilian ti Indo Pacific, a ti kadackelan ket naiturong iti Taiwan.
Iti sidong ti panangidulo ni US Pres Joe Biden, 16 a daras a nangiruar daytoy ti arms deal para iti Taiwan.
