LA UNION – Dua a bagyo iti banbantayan ti PAGASA ita nga aldaw ti Sabado, Hulyo 20, 2024.
Iti TROPICAL DEPRESSION BUTCHOY ket awan ti direkta nga epekto na iti pagilian ngem maysa a mangpa-pigsa iti Southwest Monsoon.
Naudi a nasaripatpatan ti bagyo Butchoy iti kaadayu 545 km laud ti Subic Bay, kabuyogna ti kapigsa ti angin a 55 km/h asideg iti sentro, kapegges a 70 kilometro kada oras.
Agtur-turong iti laud amianan-a-laud iti kapartak a 20 kilometro kada oras.
Maibasar iti track forecast, iti tropical depression ket rumwar iti PAR region ita a bigat.
Kabayatanna, iti Tropical Depression CARINA ket apagapaman a pimmigsa bayat a dup-dupagenna iti amianan a pa-laud a direksiyon agturong iti kabaybayan ti Pilipinas.
Naudi a nasaripatpatan iti sentro ti bagyo CARINA iti kaadayu a 625 km daya amianan-a-daya ti Virac, Catanduanes.
Kabuyog na iti angin a 55 km/h asideg iti sentro ken kapegges a dumanon iti 70 km/h.
Agtur-turong iti amianan a pa-laud iti napartak a 30 km/h.
Posible a pumigsa ti bagyo Carina, nga agbalin a Typhoon category, kabuyogna iti kapigsa ti angin a 150 km manipud sentro, ngem manamnama a nakaruar-ton iti PAR region, wenno addan-ton idiay Ryukyu Archipelago inton Martes.
Iti bagyo Carina ket adayu iti kadagaan ket agtalinaed iti kadanuman ti Pilipinas agingga a rumuar iti teritoryo ti Pilipinas.
Awan man iti direkta nga epekto iti bagyo Butchoy ken Carina iti pagilian, ket papigsaen da iti agraraira a Southwest Monsoon, nga isuti mangigubway ti narungsot a panawen iti kabaybayan ken upland areas, partikular idiay Kalayaan Islands, CALABARZON, MIMAROPA, Bicol Region, Western Visayas, Bataan, ken Metro Manila.
Nu adda man pagbaliwan dagiti nasao a weather disturbances iti kasaaad ti panawen, maamwan iti sumaruno a tropical cyclone bulletin nga iyisyu ti state weather bureau iti oras ti alas 11:00 AM ita nga aldaw.
