LA UNION – Dimmatag iti cuerpo ti pulisiya idiay San Juan, La Union iti dua a lokal a turista kalpasan a maipagarop a natakawan dagitoy iti tallo a bikini bottom ken maysa nga iPhone7 a mapatta-patta nga agbalor ti P20.000 iti mismo a nagdagusan dagitoy a hotel idiay Barangay Urbiztondo, San Juan, La Union.
Dagiti biktima a nagreport iti San Juan Police Station ket isuda Katrina Bienvenida, 24, residente ti Antipolo City ken Maria Daniela S. Tan, 23-anyos, residente ti Marikina City.
Maibasar iti report, nadlawan dagiti biktima dagiti mapukpukaw nga items idi bigat kalman, Hulyo 10, 2022.
Mainaig ti daytoy, awan pay iti naan-anay a maited a detalye dagiti otoridad seknan iti nasao a report agsipudta agtultuloy iti imbestigasyon ken panagkalap da iti impormasyon seknan iti napasamak a panagtakawan iti nasao a hotel.
