BR LA UNION – Umabot ti 37 a tattao ti natay iti panagdinnungpar ti dua a pampasahero a bus iti highway idiay southern part ti Bolivia, kabilang iti walo a menor de edad.
Maibasar iti report ti pulisya, daytoy iti kakarwan nga aksidente ti bus iti nasao a pagilian ita a tawen.
Naiturong met iti ospital dagiti 41 a nasugatan.
Kabilang pay kadagiti natay iti lima a gangannaet a Peruvians ken maysa a 3-anyos nga ubing a babae a German.
Maibasar iti report dagiti otoridad, napasamak ti aksidente iti parbangon, oras idiay Bolivia, iti maysa a nakipet a kalsada bayat nga agturong ti maysa a pampasahero a bus idiay Oruro, a pakaang-angayan ti Oruro Carnival.
Segun iti prosecutor a ni Gonzalo Aparicio, maipagarop a ti driver ti maysa a bus ket nakainom ken napaspas ti panag-maneho na, a nakaigapwan ti panag-overshoot iti bangir a linya ti kalsada ken nagdinnungparan da ti kasinnabat a bus.
