LA UNION – Nasugatan iti dua a piloto ken tallo a crew kalpasan a nagsuwek iti maysa a chopper idiay Sangley Airport idiay Cavite City itay agsapa.
Naamwan a nagtake-off ti Naval Helicopter NH432 iti nasao nga airport para iti functional check flight kalpasan ti 400 hour scheduled maintenance inspection.
Ngem idi gandaten ti chopper nga ag-landing ket nag-suwek daytoy.
Segun kenni Navy Spokesperson Commander John Percie Alcos, nagsagaba ti sugat ngem dagus a naisalbar iti dua a piloto ken 3 a crew, ken adda dan iti natalged a kondisyon iti agdama.
Agtultuloy iti imbestigasyon dagiti otoridad tapno duktalen ti nakaigapwanan ti panag-crash ti aircraft.
Kabayatanna, sinuspinde ti Civil Aviation Authority of the Philippines (CAAP) iti amin a landing ken take-off operations idiay Sangley Airport kasaruno iti nag crash a military aircraft.
