LA UNION – Arestado iti dua a lallaki a sumangsango iti kaso a panaglabsing ti illegal gambling idiay Tubao, La Union.
Babaen iti bileg ti warrant of arrest nga inyetnag ni Presiding Judge Bona Avena Aruta, ti MCTC iti Tubao-Pugo, La Union inarestar dagiti kameng ti Tubao Police Station dagiti suspek nga isuda:
Jimmy Vitoy, agtawen ti 67, ken Cesar Galiste, agtawen ti 58, agpada a mannalon ken residente ti Barangay Pideg, Tubao, La Union.
Maibasar iti report, natiliw dagiti dua a suspek iti gaputi panagsugal da itay kallabes.
Dagiti suspek ket nabilin nga agbayad ti P24,000 tunggal maysa para iti temporaryo a pannakawaya-waya dagitoy.
