LA UNION – Naarestar dagiti dua a lallaki a wanted persons idiay Brgy. Apatut, Balaoan, La Union.

Daytoy ket babaen iti nagtitipon a pwersa ti Balaoan Police Station, Regional Intelligence Division, 1st LA UNION Provincial Mobile Force Company, ken dadduma pay nga operational support units ti PNP.

Maibasar iti imbestigasyon ti Balaoan Police Station, nabigbig dagiti suspek, da Herbert John Suguitan, agtawen ti 26, awanan asawa, installer tile setter ken Jessie Mar Obillo Malano, agtawen ti 34, naasawaan, awanan trabaho ken agpada dagitoy a residente ti nasao a Barangay.

Nailanad iti Police Blotter, natiliw dagiti suspek gapu iti panagsalungasingda iti New Anti-Carnapping Act of 2016 wenno ti RA 10883 babaen iti bileg ti Warrant of Arrest a napetsaan iti Mayo 13, 2022 nga impaulog ni Hon. Nyerson Dexter Tito Quilala Tualla ti RTC, First Judicial Region, Br 28, Balaoan, La Union.

Kabayatanna, naarestar met iti maysa a babai a wanted person idiay Brgy. San Vicente Sur, Agoo, La Union.

Maibasar iti report iti Agoo Police Station, iti suspek a nailinged iti nagan a Malou, agtawen ti 59, naasawaan, awanan trabaho, residente ti Brgy. San Marcos ti nasao nga ili ket sumangsango iti kaso nga Estafa, Illegal Recruitment Committed by a Syndicate ken Illegal Recruitment by a Syndicate.

Naarestar daytoy babaen iti bileg ti dua a Warrant of Arrest a napetsaan ti Mayo 19, 2014n ken Enero 29, 2020 nga impaulog ni Hon. Ethelwolda A. Jaravata, Presiding Judge ti RTC Br. 32, Agoo, La Union.

Naipasidong iti kustodiya ti Agoo Police Station iti nasao a suspek.