LA UNION – Siniguro dagiti organizers ti Palarong Pambansa 2024 nga umanay ti bilang dagiti medical personnel ken doctors a mai-deploy ti tunggal billeting quarter idiay siyudad ti Cebu.
Daytoy iti imbatad ni Department of Education Assistant Secretary Francis Bringas iti naisayangkat a presscon idi kalman, Hulyo 8, kalpasan a naipadamag nga adda dua nga atleta a makipaset iti nasao nga sporting event iti nakaptan ti dengue fever .
Manipud Cordillera Administrative Region ti maysa kadagitoy, naiturong iti pagagasan idi Biyernes ken madama nga agpapa-imbag.
Kinumpirma pay ti health official ti siyudad nga stable itan ti kondisyon dagiti dua nga atleta.
Impaganetget ni Bringas a dagiti laeng fully recovered nga atleta iti mapalubosan a makipaset iti kompetisyon.
Kabayatanna, imbaga met ni Cebu City Schools Division Supt. Dr. Adolf Aguilar a siniguro da a nadalus dagiti billeting quarters, adda screen na dagiti classrooms, ken adda pay naan-anay a suplay ti danum para iti hygiene dagiti atleta.
Innayon ni Aguilar nga adda dagiti naipa-sadya nga express lanes para iti hospitalization dagiti atleta ken awan ti bayadan dagitoy.
