BR LA UNION – Nakasublin ditoy pagilian dagiti dua kadagiti pito a Pilipino a tripulante a nasugatan iti drone attack iti MV San Antonio idiay Strait of Hormuz idi Mayo 5, segun kenni Migrant Workers Secretary Hans Leo Cacdac.
Segun kenni Cacdac, natalged metten ken agpapaimbag iti ospital idiay Oman dagiti lima pay a nasugatan a tripulante.
Dua kadakuada ti naiyakar iti sabali nga ospital para iti kanayunan a medikal nga atensiyon ngem addan dagitoy iti stable condition.
Kinuna pay ni Cacdac, ti maysa a kritikal idi ti kondisyon na ket na-extubate metten nupay agtaltalinaed iti intensive care unit.
Siniguro ti DMW nga agtultuloy a makaawat dagiti pito a tripulante ti suweldo da ken family allotments bayat nga agpapaimbag dagitoy.
