Nakasaganan dagiti 20 nga atleta ti pagilian iti maangay nga 9th Asian Winter Games sadiay Harbin, China.
Maangay ti opening ceremony inton Biyernes sadiay Harbin International Convention Exhibition and Sports Center ken agleppas agingga Pebrereo 14.
Kinuna ni Philippine Olympic Committee president Abraham “Bambol” Tolentino a kabaelan ti makisinnabay dagiti atletang Pinoy kadagiti international athletes.
Malaksid kadagiti medalya da kadagiti napalabas nga Olympiada, agbalin pay daitoy nga ‘exposure’ ken kapadasan tapno maaddaan iti nagan ti Pilipinas iti Winter Olympics.
Ti nasao nga bilang dagiti 20 nga atleta ket isun ti kadakkelan ti delegasyon ti pagilian ti maysa nga torneo.
Indauloan daitoy da Francis Ceccarelli ken Tallulah Proulx para iti slalom Alpine Skiing; Laetaz Amihan Rabe iti free ski slopestyle, big air ken halfpipe ti snowboarding; short-track speed skater Peter Gorseclose; Isabella Gamez ken Alexander Korovin iti figure skaters pair; ken dagiti figure skaters nga isuda Sofia Frank, Paolo Borromeo, ken Cathryn Limketkai.
Buklen met ti men’s curling team na Benjo Delarmente, Alan Frei, Christian Haller, Enrico Pfister, ken Marc Pfister bayat nga ti women’s curling team ket buklen da Anne Bonache, Kathleen Dubberstein, Leilani Dubberstein, Sheila Mariano, ken Jessica Pfister.
Kabayatanna, saan met a makasalip ni Pinoyo snowboarder Adrian Lee Tongko gapo iti knee injury kabayatan ti training na idiay Hakuba, Japan.
