BR LA UNION – Siniguro ti Eastern Mindanao Command (EastMinCom) nga agtultuloy ti panangbantay da iti 25 election areas of concern manipud Northern Mindanao ken Caraga Region.
Daytoy ket kas paset ti panagsagana para iti umadanin a 2025 National and Local Elections ditoy pagilian.
Segun kenni EastMinCom Spokesperson Major Salvacion Evangelista, dagiti 25 nga election areas of concern ket paset itan ti areas of responsibility dagitoy.
Kabilang kadagiti nasao nga areas of concern ket iti San Luis, Sibagat, Prosperidad, Esperanza, Bunawan, Loreto idiay Caraga Region.
Karaman ti Bayugan City idiay probinsiya ti Agusan del Sur.
Imbaga ti tagapagsarita ti EastMinCom, karaman pay dagiti lokal a gobyerno idiay Surigao del Sur partikular idiay Tandag City, Cortez, Lanuza, Lianga, Marihatag, San Miguel, San Agustin ken Tago.
Nagdeploy da metten ti kanayunan a tropa ken puwersa kadagiti nasao a lugar.
