LA UNION – Aganay 2,600 a mannalon manipud iti pakabuklan a 2, 979 registered farmers idiay San Juan, La Union iti nabunongan ti ayuda nga umabot ti P5,000 manipud iti nasyunal a gobyerno.
Daytoy iti pinatalgedan ni Jovita Abengonga, agdama nga OIC Agricultural Officer ti nasao nga ili.
Inlawlawag na nga agkurang iti alokasyon a pondo, isutgapuna nga iti inaramid da ket maysa laeng a mannalon iti tunggal pamilya ken household, iti naipaayan ti nasao a tulong pinansiyal.
Maipalagip a ti P5,000 cash ket ipapaay a tulong ti gobyerno kadagiti mannalon nga apektado iti COVID-19 pandemic, babaen iti sidong ti programa ti DA a Financial Subsidy to Rice Farmers (FSRF).
