Pimmusay ti 28 anyos a lalaki kalpasan a nalmes idiay baybay a masakupan iti Barangay Baccuit Sur, Bauang La Union idi malem kalman.
Nabigbig iti biktima a ni Juris Bugtong residente iti Barangay Poblacion, Buyagan, Benguet.
Base iti imbestigasyon dagiti otoridad, kalpasan a nangan iti pangngaldaw ket nagdigos ti biktima kadwa dagiti gayyemna idiay baybay agingga a nasarakan laengen daytoy nga tumtumoaw ken awanen iti puot dagiti gagayem na.
Naitaray pay ti biktima idiay Ilocos Training & Regional Medical Center ngem naideklara a natay babaen iti doktor.
Segun kadagiti otoridad napigsa ti dalluyon idi naglangoy iti biktima iti baybay.
