Inwaragawag ni Department of Justice Secretary Jesus Crispin ‘Boying’ Remulla a tallo agingana uppat nga indibidual malaksid kadagiti agasawa a Pacifico ken Sara Discaya – iti agtarigagay nga agpatulog iti departamento tapno agpaisidong ti witness protection program.
“We have two or three more for next week and a lot more in the coming days I think. We have to really, it’s a process that has to happen because we have to be able to validate and verify information,” segun kenni Justice Secretary Jesus Crispin Remulla.
Impaganetget ti sekretaryo nga iti panagproseso kadagiti agtarigagay a tumakder kas testigo wenno agpaisidong iti proteksion ti estado ket maidalan ti ebaluasion ken beripikasion.
Nagkedked met isuna nga ibutaktak wenno i-detalye iti pakabigbigan dagiti nasao nga indibidual ken kenuna laeng nga adda ti maysa nga opisyal manipud Department of Public Works and Highways, ngem idanon wenno iuman da pay nga umuna iti Senado wenno Senate Blue Ribbon Committee sakbay nga agaramid ti kabaruan nga addang.
Segun pay kenkuana, saan nga ang-angaw wenno nalaka iti proseso ti ebaluasion kadagiti agtarigagay a tumakder wenno maipasidong ti witness protection.
Posible met nga adda ti sanguen a pangta wenno peggad dagiti agtestigo isuta rumbeng nga agtalinaed a pribado iti aniaman nga ibinglay da iti ahensia.###
