BR LA UNION – Umaboten iti P14.22 million ti balor ti perdisyon a ginubway iti awan sarday a panagtudo ken panaglayos, gapwanan ti shear line, intertropical convergence zone (ITCZ), ken northeast monsoon.
Iti nasao a danyos ket manipud iti rice industry, high-value crops, mais, makinarya, ken sumagmamano a pasilidad.
Buklen daytoy ti P10.1 million a balor ti perdisyon iti rice industry ken P3.4 million iti livestock.
Umabot met iti 1,379 a mannalon iti kumpirmado nga apektado.
Siniguro ti Department of Agriculture-Disaster Risk Reduction and Management (DA-DRRM) Operations Center a nakasagana dagiti intervention wenno tulong para kadagiti apektado a mannalon kas iti naduma-duma nga agricultural inputs ken panagusar ti quick response fund (QRF), loan program, ken indemnification fund.
Segun iti DA, posible nga agbaliw pay iti nasao a datos bayat nga agtultuloy ti isay-sayangkat nga assessment iti ground level.
