BR LA UNION – Aganay ₱360 milyon ti nailatang a pondo manipud iti Ayuda Para sa Kapos ang Kita Program (AKAP), family food packs, ken dadduma pay a relief item para kadagiti biktima ti layos a gapwanan ti bagyo Crising ken Habagat iti 36 a congressional district.
Iti nasapa a panangirwar iti AKAP ken relief assistance ket inurnos iti opisina ni reelected Leyte Rep. Ferdinand Martin G. Romualdez, Speaker ti 19th Congress, ken Tingog Party-list kabinnulig ti Department of Social Welfare and Development (DSWD) iti sidong ti panangidaulo ni Secretary Rex Gatchalian.
Tunggal distrito ket makaawat ti ₱10 milyon kas direkta a pinansyal a tulong para kadagiti residente a naapektaran ti panaglayos, immakar wenno na-displace, ken dadduma pay nga adda pakainaiganna iti kalamidad.
Malaksid iti pinansyal a tulong, nakasagana metten dagiti relief pack para iti nalawa a panagibunong, kabilang iti panagserbisyo ti Tingog hot meals para kadagiti evacuee a temporaryo a nagdagus kadagiti pagadalan, covered court, ken dadduma pay nga evacuation centers.
Segun kenni Rep. Romualdez, iti nasapa a panangilatang ti AKAP funds ken relief goods ket repleksyon iti leksiyon kadagiti naglabas a tawen, a nagbalin a nabuntog iti panag-responde iti kalamidad ket nangparnuay ti nakaru nga epekto. Impaganetget na iti kinapateg ti kina-sagana ken koordinasyon.
Dagiti 36 a congressional districts a mabenipisyaran manipud iti ₱360 milyon nga AKAP fund ken dadduma pay a kapada a tulong ket pakaibilangan dagiti distrito dagiti mammanday linteg, isuda: Reps. Bienvenido Abante Jr., Tobias “Toby” Tiangco, Dennis “Alden” Almario, Dean Asistio, Arjo Atayde, Jorge Daniel Bocobo, Antonino Calixto, Joel Chua, Ma. Victoria Co-Pilar, Ricardo Cruz Jr., Ernesto Dionisio Jr., Edgar Erice, Jaime Fresnedi, Gerald Galang, Kenneth Gatchalian, Alexandria Gonzales, Monique Lagdameo, Giselle Maceda, Oscar Malapitan, Eric Olivarez, ken Antolin “Lenlen” Oreta III.
Kabilang pay dagiti makaawat ket manipud iti distrito da Reps. Franz Pumaren, Romero “Miro” Quimbo, Roman Romulo, Mark Anthony Santos, Jesus “Bong” Suntay, Marcy Teodoro, Irwin Tieng, Ralph Wendel Tulfo, Rolando Valeriano, Patrick Michael “PM” Vargas, Brian Raymund Yamsuan, Ysabel Maria Zamora, Gil Acosta, Jose Alvarez, ken Rosalie Salvame.
