LA UNION – Uppat a babbai ti inarestar dagiti otoridad kalpasan a naaktuan dagitoy nga agsusugal idiay Barangay Cabalitucan, Luna La Union.
Dagiti natiliw ket agtawen ti 77, 60, 52 ken 42 , agpapada nga awanan ti trabaho ken agpapada met laeng a residente iti nasao a lugar.
Bayat a naiwayat ti anti illegal gambling operation naaktuan nga aga-ayam dagitoy ti fourty one ket nakumpiskar manipud iti ikotda ti maysa set ti playing cards ken bet money nga aggatad ti 315 pesos.
Kalpasan ti operasyon naiganuat ti markings ken inventory iti imatang dagiti brgy officials ken naiturong dagiti uppat iti rural health unit para ti physical examination kalpasanna ket naiturong iti Luna Police station para ti naan-anay a disposision ken maidagan dagiti uppat ti kaso a panaglabsing ti PD 1602 wenno illegal gambling.
