BR LA UNION – Uppat a pulis ti sumangsango iti dismissal proceedings gaputi insidente ti indiscriminate firing idi selebrasyon ti Baro a Tawen, segun iti Philippine National Police (PNP).
Kinuna ni Acting PNP Chief Police Lt. Gen. Jose Melencio C. Nartatez Jr. nga immandar na iti nainget nga imbestigasyon ken dagiti nasao nga aramid kunana ket seryoso a panaglabsing iti disiplina.
Segun iti PNP, dagiti uppat a pulis ket kabilang iti 16 a tattao a karaman kadagiti insidente manipud Disyembre 16, 2025 agingga Enero 1, 2026.
Tallo kadagiti pulis ket na-disarmaan ken naibalud bayat nga agtultuloy a masap-sapol iti maysa a patrolman idiay Cagayan de Oro.
Siniguro ti PNP a mapagsungbat amin a karaman, pulis man wenno sibilyan, iti agpada nga administratibo ken kriminal a kaso.
