BR LA UNION – Imbaga ti Police Regional Office 10 a ti maysa a pulis da a nag-absent without official leave (AWOL) ket maysa kadagiti maipagarop a nangpapatay iti station commander ti Cogon Police Station 2 ti Cagayan de Oro City Police Office (COCPO) idi Oktubre 5, 2024.
Daytoy ti impormasyon a naawat ni PRO 10 Regional Director Brig. Gen. Jaysen De Guzman manipud kenni COCPO City Police Director Col. Salvador Radam isunga dua da a simmango tapno bigibigen ni Police Staff Sergeant Armand Tagolimot kas maysa kadagiti karaman a nangpaltog kenni Cogon Police Station Commander Capt. Abdulcahar Armama iti arubayan ti balayda idiay Barangay Bulua ti nasao a siyudad idi 2024.
Kinuna ni De Guzman a nabayag iti pannakatunton ni Tagolimot gaputa sinurot dagiti imbestigador iti ‘case build up’ requirement tapno natibker ken solido ti kaso nu maisagpat iti korte.
Naamwan a napaltogan ni Armama a naka-tallikod babaen kadagiti suspek.
