Adda ti pakabuklan a 416 nga estudyante nga enrolled iti programa iti Alternative Learning System wenno ALS Program ti Department of Education intero nga La Union ti nagturpos ita nga aldaw.
Ti nasao a graduation program ket naangay idiay Bauang North Central School iti ili ti Bauang, La Union.
Dagiti nagturpos ket buklen dagiti estudyante manipud Bauang North District, Bauang South District, Caba, Burgos, Bagulin ken Naguilian.
Ti pannakiuman ti Bombo Radyo La Union ken ni Mayor Eulogio Clarence Martin P De Guzman III, Agdama a mayos iti ili ti Bauang La Union, impaganetget na ti kinapateg iti edukasyon ti biag ti maysa a tao ken saan a lapped ti kinakurapay ti biag tapno gun-oden dagiti arapaap.
Ti sabali pay a bangir, adda met ti Persons Deprived of Liberty a nagturpos babaen ti ALS Program; maysa manipud iti elementary iti ili ti Bauang ken 2 manipud iti Naguilian, La Union.
Maipalaagip, ti ALS ket maysa a programa ti DEPED tapno ipaayan ti gundaway dagiti nakukurapay, saan a nakapagturpos, nagsardeng ti panagadal wenno dagiti out-of-school youth a makapagturpos ti panagadal ken gun0oden dagiti kalikagumda ti biag
