LA UNION – Makadwa ni sigud a Bamban, Tarlac Mayor Alice Guo dagiti 44 a detainee iti uneg ti selda na idiay Pasig City Jail.
Iti selda ni Alice, addaan daytoy ti 10 a bunk bed a pada-pada a triple deck.
Kayatna sawen, 30 bed capacity laeng iti us-usaren dagiti 45 a detainee.
Iti nasao a pagbaludan ket makadwa ti sigud a mayor iti maysa kadagiti miyembro ti Kingdom of Jesus Christ a kadwa ni Quiboloy a naaresto itay nabiit.
Kabayatanna, naituding inton Sept. 27 ti panangibasa ti darum kenni Alice para iti kaso na a qualified human trafficking.
Maibasar iti schedule nga intuding ti Pasig City RTC, maisayangkat daytoy iti oras nga alas 8:30 ti agsapa babaen ti video-teleconferencing.
Ita nga aldaw ket naiyakar ni Alice Guo idiay Pasig City Jail manipud iti sigud a Philippine National Police (PNP) dentention facility.
