BR LA UNION – Natay iti 5 a tattao idiay Aborlan, Palawan gapu iti mapaspasaran da sadiay a nalawa a panaglayos gaputi panagtudutdo nga epekto ti agraraira a shear line.
Segun kadagiti lokal nga otoridad, narekober ti bangkay dagiti 5 a natay kalpasan a maiyanod da iti layos idiay Aborlan idi rabii ti Domingo, Pebrero 9.
Naisalbar met ti maysa nga ubing iti nasao nga insidente.
Iti agdama, segun iti city government, layos pay laeng iti 24 a barangay a nakaapektaran ti nasurok 3,000 a residente ken pagbiagan dagiti mannalon ken nakadadaelan iti ekta-ektarya a kataltalnan.
Naideklara metten iti state of calamity idiay Puerto Princesa City, Palawan gapu iti nalawa a panaglayos.
Kabayatanna, naikkaten iti suspensiyon ti klase ken serrek iti trabaho ita nga aldaw ti Miyerkules idiay Aborlan, Palawan.
Naibasar ti desisyon iti latest advisory manipud state weather bureau kalpasan nga imbaba dan ti rainfall warning level.
Nupay kasta, segun iti lokal a gobyerno a diskresyon latta dagiti School Heads/Administrators/Heads of Agencies nu pawaywayan da iti class wenno work suspension maibasar iti bukod da nga assessment ti sitwasyon iti masakupan dagitoy.
Agtultuloy iti monitoring ti Municipal Disaster Risk Reduction and Management Office (MDRRMO) iti sitwasyon ken panangipaay ti updates.
Ingkaso nga agbaliw iti kasasaad ti panawen a mangigubway ti panag-peligro ti kinatalged ti publiko, siniguro ti LGU a mang-isyu ti maiyannatop nga advisories.
