LA UNION – Lima a lallaki iti inarestar dagiti otoridad iti naisayangkat nga anti-illegal logging operation idiay Barangay Sengngat, Sudipen, La Union.
Nagresulta pay daytoy iti pannaka-kumpiskar iti aganay 191 board feet a naputed a kayo ti gimilina ken mahogany ken mapatta-patta nga agbalor ti nasurok P5,000.00
Dagiti naarestar a suspek ket nabigbig nga isuda: Matias Barba Jr, 55, taga Barangay Nagsabaran, Bangar, La Union; Cito Macanas, 42; Jimmy Badongan, 54; Raymund Badongan, 24; ken Roy Lacbao, agpapada a residente ti Barangay Purpuriket, Sudipen, La Union.
Kabilang pay a nakumpiskar dagiti otoridad iti 2 a chainsaw, dua a buneng, ken maysa a motorsiklo nga awanan ti plate number.
Dagiti suspek ket nakatuding a maidatagan ti maiyannatop a kaso.
Dagiti met nakumpiskar a tabla ken dagiti nadakamat nga arwaten iti panagpukanan ti kayo ket adda ita iti custodiya ti Sudipen Police Station.
