LA UNION – Aganay 50 a pulis idiay Bamban, Tarlac iti inikkat ti puwesto ti Philippine National Police iti tengnga ti imbestigasyon iti Philippine Offshore Gaming Operators hub iti nasao a lugar.
Kasaruno daytoy iti inyisyu a preventive suspension order ti Office of the Ombudsman kontra kenni Bamban, Tarlac City Mayor Alice Guo ken dua pay nga opisyal ti lokal a gobyerno, iti innem a bulan.
Segun kenni PNP Public Information Office chief, PCOL. Jean Fajardo, dagiti nasao a pulis ket manipud iti Regional Mobile Force Battalion 3 ken dadduma pay a police stations.
Gaputi dayta, temporaryo a naiyakar iti personnel holding and account unit dagiti naikkat a pulis ken nakatuding a maipasidong iti reformation Program.
Immuna a nangidatag ti graft complaints iti Department of the Interior and Local Government kontra kenni Guo gaputi maipagarop a pakainaiganna iti naraut a POGO idiay Bamban, Tarlac.
