LA UNION – Innem a tattao iti natay kalpasan a nauram ti uppat a kadsaaran a pasdek idiay Blumentritt, Sampaloc, Maynila.
Segun iti Bureau of Fire Protection, nangrugi ti uram pasado alas dos itay parbangon, Disyembre 7.
Dagiti tallo a biktima ket adda iti maikadwa a palapag ti pasdek bayat a ti tallo pay ket adda iti ground floor.
Narigatan dagiti bumbero a sumrek iti lugar gaputa nakipet ti dalan nga agturong idiay Laonlaan St. Blumentritt, Sampaloc, Manila.
Immabot iti nasurok tallo nga oras sakbay a naan-anay nga indeklara ti BFP a fireout iti insidente.
Nairaman pay iti sumagmamano a babbalay a kaabay ti nauram a pasdek.
Duk-duktalen dagiti otoridad ti nakaigapwan ti nasao nga uram.
