LA UNION – Aganay 60 a Persons Deprived of Liberty (PDLs) iti District Jail idiay Agoo, La Union iti naipasidong iti orientation babaen ti Commission on Election.
Segun kenni Mr. Onofre Tilang, Election Officer idiay Agoo, La Union panggep ti orientation tapno maipakaammo kadagiti balud iti umno a proseso ti panagbotos dagitoy para iti May 9, 2022.
Naamwan a saanen a kasapolan nga agturong dagiti PDLs iti polling precinct, agsipudta mismo nga iti pagbaludan ti pangisayangkatan ti COMELEC iti panagbotos dagitoy.
Iti sidong ti absentee voting, iti laeng mabalin a botosan ket dagiti kandidato para Presidente, Bise-Presidente, Senador, ken Partylist groups.
