BR LA UNION – Personal a simmuko kadagiti otoridad idiay Camp Crame iti suspek a nangpapatay iti pito a tattao idiay Barangay Cupang, Antipolo, Rizal.
Agpapada a kakadwa ti suspek iti panaderya dagiti biktima, a pakairamanan iti dua a menor-de-edad.
Segun kenni Police Lieutenant Colonel Ryan Manongdo, hepe ti Antipolo City Police, adda nakangngeg nga adda kumidkiddaw ti tulong ngem gaputa dis-oras ti rabii ket agsapa laengen a nakita iti insidente.
Ka-sosyo ti suspek iti master baker.
Imbaga ti suspek nga inunaan na laeng dagiti biktima agsipudta maipagarop a plano da daytoy a patayen.
Pinainom na dagitoy gaputa kasangay na ken dita metten nga inaramid na iti krimen.
Naipasidong iti otopsiya dagiti biktima ken agkal-kalap dagiti otoridad iti CCTV footage iti nasao a lugar.
