Nakaawat iti Transitory Family Support Packages (TFSP) ti pito a benepisiario idiay Luna, La Union ita nga aldaw, Setiembre 7, 2023.
Babaen daytoy iti Sustainable Livelihood Balik Probinsiya Bagong Pag-asa Program ti Department of Social Welfare and Development (DSWD) KALAHI CIDSS-RPMO (Regional Program Management Office).
Naglaon ti Transitory Family Support Packages iti cash assistance nga aramaten dagiti benepisyaryo tapno makagatang kadagiti taraon ken dadduma pay a makatulong kadakuada.
Iti sidong ti Sustainable Livelihood Balik Probinsiya Bagong Pag-asa Program, panggep ti gobyerno nga tulongan dagiti indibidwal ken pamilya nga agsubsubli iti nagtaudanda a lugar manipud iti panagturongda iti syudad.
Tarigagay daytoy a maipanamnama nga adda ti pangrugian dagiti pamilia nga agsubli iti probinsiada.
Ti pannakaipaay ti TFSP idiay Luna ket indauluan da Reysa D. Pilotin-Tigas, Lhara Angelyn T. Tacata, Valentina M. Panos ken Jenny B. Dumaguin manipud DSWD FO1 KC-RPMO.
Nakadwa ti DSWD ti lokal a gobyerno ti Luna nga idadauluan ni Mayor Gary N. Pinzon.
Naasistaran dagiti personnel ti DSWD babaen iti Luna MSWDO nga idadauluan ni Ms. Jeanette T. Padilla kasta metten ti presensia da Mary Anne Sampaga, Social Welfare Aide ken Nila Napeñas, MSWDO staff.
