BR LA UNION – Pito a pasyente ti natay idiay San Lazaro Hospital iti uneg laeng ti umuna a lima nga aldaw ti Agosto gaputi leptospirosis, kabilang iti maysa a 16-anyos a barito a natay gaputi acute kidney failure.
Segun iti medical center chief ti ospital, amin a natay ket nagtukod iti layos a ginubway ti Habagat ken bagyo.
Kinuna ti medical center chief, mas agresibo ita ti sintomas ti sakit, agsipudta iti uneg ti dua agingga pito nga aldaw ket rumwaren dagiti komplikasyon iti kidney, dalem, bara, ken iti panaganges, isunga kasapolan a maikkan a dagus ti ventilator iti pasyente.
Maibasar iti datos ti ospital as of August 5, adda 45 leptospirosis patients ti naka-confine idiay San Lazaro Hospital —15 ditoy ket menor de edad ken uppat kadakuada ti naka-intensive care unit (ICU).
Kaadwan kadagiti pasyente ket manipud Metro Manila, Cavite, ken Laguna, partikular idiay siyudad ti Manila.
Naamwan a kaadwan a pasyente ket motorcycle rider a nagtukod iti layos ken addaan ti sugat wenno paltos iti saka.
Idiay Marikina, nakailista iti Amang Rodriguez Memorial Medical Center ti 44 a kaso ti leptospirosis agingga idi Agosto 5.
Imballaag dagiti doktor a napateg nga agsuot ti bota nu layos iti lugar wenno uminom ti prophylaxis kas panagannad.
Segun iti Department of Health (DOH), nasurok 500 a kaso ti leptospirosis idi nailista idi Hulyo 2025.
