LA UNION – Nasarakan a natay iti maysa a 76-anyos a lakay manipud iti arubayan ti pagtaengan na idiay Barangay Baroro, Bacnotan, La Union.
Nabigbig iti pimmusay a ni Romeo Almodovar, maysa a balo, ken residente ti nadakamat met laeng a barangay.
Maibasar ti inisyal a imbestigasyon ti Bacnotan Police Station, nakita ni Barangay Kagawad Rodolfo Cabanban ni Almodovar a nakapakleb iti karuutan wenno 30 a metro iti kaadayona manipud ti balay daytoy.
Sakbay iti pasamak, nakita da ni Almodovar nga umin-inom iti nasanger wenno arak.
Base pay iti impormasyon, daytoy ket agsag-sagaba iti sakit a diabetes ken hypertension.
Naideklara a pimmusay ni Almodovar babaen iti attending physician a ni Dr. Andy William Mendoza iti MHO-Bacnotan.
