LA UNION – Inararestar ti pulisya dagiti walo a tattao nga addaan ti warrant of arrest gapu ti sangsanguenda a kaso nga illegal gambling idiay ili ti Sto. Tomas, La Union.
Iti impormasyon a nakalap ti Bombo Radyo manipud ti Sto. Tomas Police Station, babaen ti bileg iti warrant of arrest nga inyatnag ti Sto. Tomas Municipal Trial Court ket naaresto dagiti nasao nga akusado gapu iti maipagarup a
panaglabsing dagitoy iti Presidential Decree 1605 wenno ti Anti-Illegal Gambling Law.
Temporaryo a naruk-atan dagiti akusado kalpasan a nagpiyansa dagitoy iti P5,000 ti tunggal maysa kadakuada. (Absalom Flores)
