LA UNION – Addan iti natalged a kondisyon iti maysa a mannalon a pinaltugan iti dua a mannanakaw idiay Barangay Mameltac ditoy syudad ti San Fernando, La Union.
Iti biktima ket managan Alejandro Dumaguin, 56, addaan asawa, residente ti nasao a lugar.
Naglak-am daytoy iti tama ti paltog iti tiyan na ken nataming iti pribado nga ospital ditoy met laeng syudad.
Sakbay iti insidente, naimatangan na iti pannaka-holdap iti maysa nga Indian national, managan Parwin Dar Sigh, 33, addaan asawa, residente ti Barangay Dalumpinas Oeste, babaen iti dua a saan a nabigbig a suspek.
Idi binarsak na dagiti suspek, bimmales dagitoy babaen iti panangpaltog da kenkuana, iti saan pay nga ammo a kalibre ti paltog.
Intaray dagiti suspek iti P2,500.00 a maipagarop a collection ti indian national agraman ti motorsiklo daytoy nga inusar da kas getaway vehicle.
Nupay kasta, iti follow up operation dagiti otoridad, naamwan nga inabandonar ken narekobre da iti nasao a motorsiklo idiay Urbiztondo, San Juan, La Union.
Agtultuloy ti pananganop ti pulisiya kadagiti naglibas a suspek.
