LA UNION – Namnamaen iti dakkel nga bilang dagiti makipamunpon ita nga aldaw iti pimmusay a ni sigud a La Union 2nd District Congressman Eufranio ‘Franny’ Eriguel idiay Agoo, La Union.
Iti pannakiuman ti Bombo Radyo kenni PCI Bernabe Oribello, officer in charge ti Agoo Police Station, malaksid nga dupudop ti tao a makipamunpon iti sigud a kongresista ket namnamaen met ti nairot nga taray ti trapiko iti kawatiwatan ti national highway iti nasao nga ili.
Segun kenni Chief. Insp. Oribello, kasapulan nga dumalan dagiti motorista iti kawatiwatan ti Aspiras Highway a sumrek iti ili ti Pugo ken rummuar iti ili ti Rosario wenno vice versa tapno saan nga maipit iti traffic.
Malaksid iti daytoy, katinnulong met dagiti otoridad ti militar iti panangipaay ti seguridad iti sigud a mammanday linteg.
Immunan a kinuna ni Atty. Cherry Untalan, chief of staff ti 2nd District Rep. Sandra Eriguel, a kasapolan nga sumurot kadagiti mangimatmaton dagiti suporters ti pimmusay a mammanday linteg ken ikkan ti privacy dagiti naulila a pamilya a makapagladinget agingga a daytoy ket maitabon.
