LA UNION – Nasurok a makalawas kalpasan nga maitabon no sigud a La Union 2nd district Congressman Eufranio Eriguel ket agtaltalinaed pay ti deployment ti militar iti bisinidad ti pamilya idiay ili ti Agoo, La Union.
Iti pannakiuman ti Bombo Radyo kenni Lt. Col. Charles Castillo, Commander ti 81st Infantry Batallion Philippine Army, nga masarakan idiay Barangay Bigbiga probinsya ti Ilocos Sur, kinuna na a nangipaayda ti assistance iti pamilya Eriguel gapu iti maipagarop a pangta iti biag dagitoy.
Kinuna na, dumanon iti siam ti nakadeploy iti balayda malaksid pay iti seguridad ti kapulisan.
Kabayatan na, ibilbilang met ti militar a saan nga makatao iti pannakapapatay ti sigud a mammanday linteg.
