LA UNION – Umaboten iti nasurok 41-M a Pilipino iti nakapag-rehistron para iti PhilID ngem nasurok 3-M pay laeng iti nai-deliver iti intero a pagilian, base iti kauddian a datus nga inruar ti Philippine Statistics Authority (PSA).
Kabayatanna, iti insayangkat a media forum ti PSA Region-1 idiay San Juan La Union, impaganetget ni Chief of Statistical Specialist Danites Teñido, a mabalin nga usaren iti transaksiyon ti Phil ID nga uray awanan ti signature wenno pirma.
Inlawlawag na a naaramid ti nasao nga ID nga addaan ti identity authentication a kas ti physical security features babaen kadagiti naala a demographic characteristics kas ti fingerprint iti biometrics, iris scan, ken dadduma pay nga identity verification a mangipaneknek iti pudno a kinatao ti maysa nga umili.
