LA UNION – Natay iti maysa a rider kalpasan a naaksidente iti kawatiwatan ti national higway idiay Barangay San Pablo, Balaoan, La Union agarop alas 8:45 idi rabii ti Domingo.
Nabigbig iti biktima a ni Nathaniel Rigua, agtawen ti 35, residente ti Barangay Baracbac Este, Balaoan, La Union.
Maibasar iti report, dumaldalyasat iti nasao a kalsada nga agpa-amianan ti biktima, ngem idi agsikko iti kannawan ket maipagarop a na-lost control na iti manibela ti man-manehuen daytoy a motorsiklo.
Kas resulta, naipurwak iti biktima ket nagsagaba ti nakaru a pannakadun-dunor iti bagi partikular iti ulo daytoy.
Naideklara a dead-on-arrival babaen ti attending physician idiay Balaoan District Hospital.
Base pay iti report, iti biktima ket saan a nakasuot ti helmet ken maipagarop a nakainom ti nasanger idi napasamak ti aksidente.
