LA UNION – Agarop alas 9:30 idi bigat kalman, Mayo 30, kinemmeg dagiti otoridad iti maysa a 32-anyos a misis idiay Barangay Ortiz, Naguilian, La Union gaputi kaso daytoy nga adda pakainaigan na iti R.A. 9262 wenno Anti-Violence Against Women and Their Children Act of 2004.
Naaresto iti suspek a residente ti Brgy. Al-alinao Sur ti nasao met laeng nga ili, babaen iti bileg ti WOA, napetsaan ti May 27, 2022 nga inyisyu ni Judge Criselda Manaat Lamong-Bumacod ti RTC, Branch 11, Bauang, La Union.
Kabayatanna, inarestar met ti nagtipon a puwersa dagiti otoridad iti panangidaulo ti Rosario Police Station iti maysa a barbero idiay Brgy. Calisitan, Munoz, Nueva Ecija.
Iti suspek a nabigbig iti nagan a Melchor Dacoco, 46-anyos, residente ti Brgy. Carunoan East, Rosario, La Union ket sumangsango iti kaso a panagrames ken RA 7610 wenno Anti-Child Abuse.
Naarestar babaen iti bileg ti WOA, napetsaan ti May 27, 2014 nga inyisyu ni Presiding Judge Romeo Atillo Jr. ti RTC Br. 31, idiay Agoo, La Union.
Bayat nga iti maikatlo a wanted person nga inrestar dagiti otoridad, agarop alas 4:30 idi malem kalman ket maysa a construction worker idiay Brgy Sta. Monica, Bauang, La Union.
Iti suspek ket nabigbig iti nagan nga Antonio Soriano Aberin, 33-anyos, residente iti nasao a lugar.
Inarestar dagiti otoridad gaputi kaso daytoy a panaglabsing iti R.A. 9262 wenno Anti-Violence Against Women and Their Children Act of 2004.
Naiyetnag ti warrant of arrest maikontra kenni Soriano babaen kenni Judge Marietta S. Brawner-Cualing ti RTC Br. 9, idiay La Trinidad, Benguet.
Dagiti tallo a nadakamat a naarestar ket agpapada nga adda ita iti custodiya ti Phil. National Police.
