LA UNION – Maysa a 9mm a paltog, addaan ti serial number F3-7278, iti in-surrender ti maysa a barangay kapitan idiay Luna Police Station.
Maibasar iti report, agarop alas 10:25 idi bigat ti Agosto 30, 2022 ket nagturong iti nasao a cuerpo ti pulisiya ni Barangay Kapitan Catalino Pascua, agtawen ti 46, residente ti Barangay Cantoria No. 1, Luna, La Union tapno ipa-deposito iti nasao nga igam, a nabayagen a nagpaso iti rehistrasyon na.
Maibasar pay iti report, iti rehistrasyon ti paltog ket nag-expire idi pay Nobyembre 23, 2015.
Mainaig ti daytoy, pinagyamanan dagiti otoridad ni Pascua iti panangisuko ti nasao a paltog, agsipudta panangipakita daytoy iti suporta iti kampanya ti Philippine National Police (PNP) nga Oplan Katok, maysa a programa kontra loose firearms.
