LA UNION – Arestado ti Top 6 Provincial Target Drug Personality kalpasan ti naisayangkat a Drug Buy Bust Operation idiay Barangay San Jose Sur, Agoo, La Union idi malem kalman, Hulyo 12. 2023.
Iti suspek ket nabigbig iti nagan nga Alfred Labongra, adda ti umno nga edad, ken residente ti Barangay San Marcos, Agoo La Union.
Iti operasyon ket insayangkat iti nagtipon a puwersa ti PDEA, Agoo PNP, ken dadduma pay a law enforcementn unit.
Nakumpiskar dagiti otoridad manipud iti ikot ti suspek iti maipagarop a shabu a mapatta-patta nga agdagsen ti 0.5 gramo, agbalor ti P3,400.00
Karaman pay a kinumpiskar ti PDEA La Union ti maysa a cigarette pack, mobile phone, maysa a motorsiklo ken buy bust money.
Iti suspek ket sumangsango ita ti kaso a panaglabsing iti RA 9165 wenno Comprehensive Dangerous Drugs Act of 2002.
Iti agdama, nakabalud ti suspek iti jail facility ti PDEA Region One iti Camp Diego Silang, Carlatan, San Fernando City, La Union.
