LA UNION – Dead-on-the-spot iti maysa a lalaki a nag-motorsiklo kalpasan a maaksidente iti kawatiwatan ti Naguilian road idiay Brgy. Ballay, Bauang, La Union agarop alas 10:55 ti rabii idi Agosto uno.
Iti biktima ket managan Andy Sarmineto, 23-anyos, baro, residente ti Barangay Baraoas Sur, Naguilian, La Union.
Maibasar iti inisyal nga imbestigasyon dagiti otoridad, idi makadanon ni Sarmiento iti pakurba a paset ti kalsada ket maipagarop a napukawan ti kontrol iti manibela ket naidungpar iti landok a solar post iti igid ti kalsada.
Gaputi kapigsa iti impact ti aksidente, nagsagaba iti nakaru a pannakadundunor ken indeklara ni Dr. Erwill Nunan, Municipal Health Officer ti Bauang, La Union a dead on the spot iti biktima.
Maibasar iti report, awan ti suot a helmet iti biktima ken awan pay ti nakita dagiti otoridad nga identification card daytoy.
Nabasa iti kalsada ken agtudtudo idi mapasamak ti aksidente.
