LA UNION – Agdagup ti 70,000 a pisos ti balor ti nadadael iti nauram a pagtaengan idi Lunes, Abril 1 idiay Barangay Sta. Cecilia, Aringay.
Daytoy ket kalpasan a naideklara a totally burned ti pagtaengan.
Segun iti Bureau of Fire Protection-Aringay, asok laengen ti nadanon da idi nagresponde dagitoy gaputa naladaw a naitawag kadakuada ti insidente.
Naamwan a lima a tattao iti agnanaed iti nadakamat a balay.
Dagiti biktima ket temporaryo a nakidagus pay laeng iti balay ti anak da.
Bayat ti agtultuloy nga imbestigasyon seknan ti nagtaudan ti uram ket kitkitaen ti Bureau of Fire Protection Aringay a mabalin a dagiti nabay-bay-an a nakasaksak nga appliances ti nagrugyan ti uram.
