LA UNION – Arestado ti maysa a lalaki kalpasan iti inwayat a buy bust operation dagiti kameng ti San Fernando City Police Station idiay Brgy. Poro ditoy siyudad ti San Fernando.
Maibasar iti police report, iti naarestar a suspek ket agtawen ti 22, maysa a delivery boy, ken residente ti nasao a barangay
kalpasan a naglako ti maipagarop a shabu iti nagpammarang a posuer buyer.
Nakumpiskar iti suspek ti aganay 3.5 grams ti maatap a shabu, a mapatta-patta nga aggatad ti P23, 800.00
Karaman pay a nakumpiskar dagiti non-drug evidence.
Kalpasan a naisayangkat ti imbentaryo dagus a naiturong ti suspek iti custodiya ti San Fernando City Police Station.
Kaso a panglabsing ti Comprehensive Dangerous Drugs Act of 2002 wenno RA 9165 iti maidatag kontra ti naarestar a suspek.
